अबको लडाई परिवर्तन चाहने र नचाहने बीच – सन्तोष बुढा

दाङ १६ माघ

एकीकृत नेकपा माओवादीका केन्द्रीय सदस्य तथा मगर राष्ट्रिय मुक्तिमोर्चाका केन्द्रीय अध्यक्ष सन्तोष बुढामगरले अबको लडाई परिवर्तन चाहने र नचाहने शक्तिबीच हुने बताउनुभएको छ । मगर राष्ट्रिय मुक्तिमोर्चा दाङले शनिबार घोराहीमा आयोजना गरेको जिल्ला स्तरीय प्रशिक्षण कार्यक्रममा उहााले यस्तो बताउनुभएको हो ।

राजतन्त्रको अन्त्य भएपनि त्यसका भग्नावशेषहरु बााकी रहेको भन्दै अध्यक्ष बुढाले अबको अन्तिम विद्रोहमा प्रतिगामी तत्वहरुले हार्ने र क्रान्तिकारी शक्तिले जित्ने दावी गर्नुभयो । जनताको संघीय गणतन्त्र स्थापना गर्न नदिन देशीविदेशी तत्वहरु षड्यन्त्रमा लागेको चर्चा गर्दै बुढाले परिवर्तनको बाटोमा हिडेका शक्तिहरु एकै ठाउामा गोलबन्द हुनुपर्नेमा जोड दिनुभयो । माओवादी केन्द्रीय सदस्य समेत रहनुभएका अध्यक्ष बुढाले आफूहरुले उठाएको राष्ट्रियताको मुद्दासागै जातीय मुद्दाको विषय जनताको अधिकारसागै जोडिएकोले राष्ट्रिय राजनीतिमा ठूलो लडाई भइरहेको बताउनुभयो ।

कार्यक्रममा एकीकृत नेकपा माओवादी दाङका सेक्रेटरी सुवास पुनले अग्रगमनतिर जाने कि यथास्थितिमै रहने भन्ने सवालमा देशव्यापी धु्रवीकरण शुरु भएको भन्दै सकभर सहमति र सहकार्यको बाटोबाट अगाडि बढेमा देशको निम्ति हित हुने बताउनुभयो ।

 

मोर्चाका जिल्ला अध्यक्ष तोरण ठाडामगरको अध्यक्षतामा सम्पन्न कार्यक्रमको सञ्चालन फणाधर बुढाले गर्नुभएको थियो भने कृतिमान पुनले सहभागी सबैलाई स्वागत गर्नुभएको थियो ।

यसैबीच सोही कार्यक्रममा १ सय ६ जनाले मगर राष्ट्रिय मुक्तिमोर्चा नेपालमा प्रवेश गरेका छन् । नवप्रवेशीहरुमा मगर युवा क्लवका केन्द्रीय अध्यक्ष लक्ष्मण बुढामगरसहित एक सय पााचजना र कांग्रेसका सक्रिय कार्यकर्ता एवम् नेपाल मगर संघका भूपू केन्द्रीय उपाध्यक्ष इन्द्रसेन थापा रहेका छन् । नवप्रवेशीहरुलाई मोर्चाका अध्यक्ष सन्तोष बुढामगरले स्वागत गर्नुभएको थियो ।

 

Advertisement